قوشار: عبدالله بحر العلومی
گلدیم ائله-یم حمد، دئیه-م ذکر و ثنا، هو
گؤردوم کی بو درگه-ده منی اؤتموسن آهو!
شرمنده-یم انسان دیلی الکندی بو یئرده
دیلسیزجه بو سیرری سن اؤزون سؤیله-سن آهو!
چوخلاری دئییر عاشقم اما هانی همت
همت-ده اولانماز سنه تن هر یئتن آهو!
چوخلاری شفا، درده دوا آلدی ولیکن
تکجه سنه ضامن-لیک ائدیب بوالحسن(ع) آهو!
پابوسونه چوخداندی منه اذن وئریلمیر
اولموش اوره-ییم گوشه-ی بیت الحزن آهو!
مین دسته قوشور نوحه، وورور سینه-یه منده
هر بندی سیزیلدار نی-ه بنزر بو تن آهو!
سن اؤز باشینا درگه سلطانه سیغیندین
اما منه حامیدی شه بی کفن آهو!
گر حضرت عشق ائتسه مدد داش دا سیزیلدار
دیلسیز ده گلر نطقه دئیه-ر بو سخن آهو!
- ای شاه! غریب الغربا! من ده دخیلم
اما نه قوشام من نه غریب الوطن آهو
ای کاش یول اوستونده-کی تورپاق من اولوردوم
مندن سووشوردو سنه ساری گلن آهو
ای مأمن امنینده پناهنده گؤیرچین
ای سایه-ی عدلینده بری ظلمدن آهو
آقا منی درک ائیله کی دنیاده اسیرم
نفسیمدی شقاوت دولو صیاد ، من آهو





برچسب ها : امام رضا شعر ترکی  ,