سفارش تبلیغ
صبا ویژن

قوشار: حجت الاسلام سید بشیر حسینی میانجی
گر ایسته سوز تاپاسوز هر ایکی جهاندا نجات
دئیون محمد و آل محمده صلوات
گر ایسته سوز آلاسوز کربلایه برگ برات
دئیون محمد وآل محمده صلوات





برچسب ها : شعر  , 
      

قوشار: حجة الاسلام سید بشیر حسینی

یارب بو گئجه گول سارالارکن چمن آغلار
یاس یاسه باتوب یاسمنیلن سمن آغلار
صرصریئلى یاز فصلى ائدیب بیر گولى پرپر
پوزقوندو چمن بلبل اُوخور نسترن آغلار
دورت بلبلى گول صاحبى آرام ائده بیلمیر
بلبلرین احوالینه دشت و دمن آغلار
آیا نه‏ روادى در و دیوار آراسیندا
سالسینلا فشاره گولو پرپر گؤرن آغلار
تا سیخدلا، شبنم گولون اوستن یئره دوشدى
قانه بلشیب سود یئرینه قان ایچن آغلار
فریاد او زماندان کی گولون صاحبى گؤردو
گول پرپر اولوب، فاطمیه بوالحسن آغلار
بلبلره گلشن پوزولوب غربت اولوبدو
بو رسمیدى غربتده غریبه وطن آغلار
اول بیت کی جبرئیل امین نازل اولاردى
داى کسدى ایاقین اودو بیت‏الحزن آغلار
هر بلبلى بیر گوشه‏ده نى مثلى سیزیلدار
امّا اوجادان بلبل شیرین سخن آغلار
بئش سینّیده زینب باشینا قاره سالیبدى
اوخشاتما دئییب اونلا حسین و حسن آغلار
دؤرت خیردا بالا آغلادیلار آغلادى یئر گؤى
آخر آناسیزلاره آناسى اؤلن آغلار
گول صاحبى گلشنده گوله غسل ویریبدیر
بلبلر ایلن بو گوله غسلین وئرن آغلار
سسلندى گلین گول گئدیرى باغ و چمندن
بیر یولدا گؤرون اؤزگولوزو، غم چکن آغلار
یئر گؤى نئجه صبر ائیله‌دى اونلار گؤروشنده
سس گلدى کنار ائیله بولار هر زمن آغلار
زهرانى ائلی کى آپاریبلار گیجه یارى
بیت‏الحزنى غم بورویوب انجمن آغلار
یوخ چاره‏سى آخرده گرک قبره قویولسون
صبرى داغیلار یارى الیندن گئدن آغلار
قیرخ قبر قازیب تا قالا گیزلینده مزارى
بو نسگیله بیز سهلدى کی اهرمن آغلار
بیلمم یارالى جسمى نئجه قبره قویولدى
پهلوسى سینان جسمه بوکولموش کفن آغلار
تا ایستدى قبره قویا بلبل گولى گؤردو
ظاهر اولوب اوندا ایکى ال گول اکن آغلار
غم چکدى بشیرى پوزولان گلشن و باغه
زهرایه یازار نوحه، قرا پیرهن آغلار

رباعى
آنا بوجوان چاغیندا دیء گؤروم سنه نه گلدى؟
نیه سیندى گوشوارون، یوزیوه ننه نه گلدى؟
قیزیوام بو سرّى سؤیله، منه لااقل بیلیم من
قاپى وردى سن یخلدون آخى محسنه نه گلدى؟





برچسب ها : شعر  , 
      

قوشار: H.Arzu

یا رب، هر سؤزونده، ایشینده معنا
" داملانین نیرچی " دا قولای سس دئییل.
ابلیس یانیق وئریر آغریلاریملا،
بیلیرم کی، آغری دا عبث دئییل.

گوناهلار داغیتدی جانین رفلرین،
سن قویدوغون یئرده نسنه قالمادی.
دئدین ایلک آددیمدا تاپیم اؤزومو،
نه قدر آختاردیم، خئیری اولمادی.

بیر آدام اؤزوندن اوزاق دوشوبسه،
گؤسترمه سه ن، قاییتماغی چتیندی.
بیرینی آغرییلا، بیرینی «حظ»له
اؤزونه قایتارماق مرحمتیندیر.

خوش گونله قاییدا بیلمه‌یه‌نلره
آغریلار گؤستردی قورتولوش یولون.
جانیمدا حال، جیبیمده پول اولاندا
گوناهدان گوناها اوچور خیالیم.

ابلیس یانیق وئریر آغریلاریملا،
دئییر: سنی سئون بو گونه سالماز.
دئییرم: آی بدبخت، آغری اولماسا،
جانیمدا ایماندان داملادا قالماز.

یا رب، هر سؤزونده، ایشینده معنا -
تیکه- تیکه دوغرانام، عبث دئییل.
بیرجه قویما اومید ایپیم قیریلا،
بوتون دونیا اومیده عوض دئییل.

http://www.haqqyolu.com/index.php?adid=20090521101552





برچسب ها : شعر  ,