آشاغیدا خدمتینیزه تقدیم اولان شعرلر حؤرمتلی مرثیه شاعری علیرضا حضرتی «حبیب»دندیر.
نوحه اربعین ـ زبانحال حضرت زینب علیها السلام
--------------------------------------------
دور اى وفالى قارداشیم زینبون گلدى
زینبون گلدى
کرببلالى قارداشیم زینبون گلدى
زینبون گلدى
-------------------------------------------------------
اى نور چشم مصطفى آچ گؤزون قارداش
جان عزیز مرتضى آچ گؤزون قارداش
پروردهى خیر النّسا آچ گؤزون قارداش
پوزغون جلالى قارداشیم زینبون گلدى
احوالیمى دور آل خبر باغریقانم من
یوللار یوروبدور جانیمى خسته جانم من
دیندیر بو غملى زینبى میهمانم من
آه اى وفالى قارداشیم زینبون گلدى
اى رهبر عشقیم منى پیشواز ائله
دور بو سفیر نهضتون سرفراز ائله
قارداش باجونلان بیر دانیش کشف راز ائله
باشى بلالى قارداشیم زینبون گلدى
پاتخت ظلمه ولوله سالدیم آى قارداش
الله بیلور زنده نجه قالدیم آى قارداش
اول دوردمیناوخلىکوینگون آلدیمآىقارداش
چوخدور مقالى قارداشیم زینبون گلدى
اى کعبهى شش گوشهسى قبلهى آمال
یاتما کفنسیز قبریده چوخ پریشانحال
دور دورد مین اوخلى کوینگون زینبوندن آل
ائلدن آرالى قارداشیم زینبون گلدى
اى شهریار شهر غم گلدى مهمانون
قید اسارتدن رها اولدى طفلانون
گلدى باجون زینب اولا مرثیهخوانون
قلبى یارالى قارداشیم زینبون گلدى
قان آغلادیم قارداش حسین کوفهدن شامه
عشقونله اوردا باشلادیم اؤزگه هنگامه
تنگ ایلدیم بو عالمى چشم ظلاّمه
زهرا مثالى قارداشیم زینبون گلدى
قانه سرشگیم قاتدیلار دؤزدوم آى قارداش
قیزلاروى آغلاتدیلار دؤزدوم آى قارداش
کول سپدیلر، داش آتدیلار دؤزدوم آى قارداش
آرتدى ملالى قارداشیم زینبون گلدى
چوخ غصّه چکدیم قالمیشام لیک پاینده
بیر غم ولى بو زینبى ائتدى شرمنده
ئولدى رقیّه اولموشام من سرافکنده
پوزغوندى حالى قارداشیم زینبون گلدى
***
نوحه اربعین ـ زبانحال حضرت زینب علیها السلام
--------------------------------------------------------
دور پیشوازه قارداش غم کاروانى گلدى
زینب باجون گتیردى آل عبانى گلدى
غم کاروانى گلدى
--------------------------------------------------------
اؤز قانیوه باتیبسان مقصودیوه چاتیبسان
ششماهوى آلوبسان آغوشیوه یاتیبسان
یاخشى بو بىنوانى گؤزدن اخى آتیبسان
غم غصّهدن امانه آزرده جانى گلدى
سنسیز فنا جهاندا آواره قالمیشام من
غملر تهاجمینده گلتک سارالمیشام من
باخ گؤر نجه جفادن قارداش قوجالمیشام من
غربتده چکدى زینب مینلر بلانى گلدى
هئچ بیر چتین غم اولماز دنیاده آیریلیقدان
زینب باجون گلوبدى فریاده آیریلیقدان
مین شکر اولا قوتاردى دلداده آیریلیقدان
هجران باشا یتیشدى وصلت زمانى گلدى
سنسیز باجون حسینیم جور و جفایه دوشدى
قول باغلى قید ظلم قوم دغایه دوشدى
شاهددى قانلى باشون باشیم بلایه دوشدى
معناده قانه دوندى اشگ روانى گلدى
صرف ایلمیشدیم آخر عزّتلن عمرومى من
صبریم تالاندى قلبیم اودلاندى غصّهلردن
عبّاس و اکبر ئولدى اولدوم اسیر دشمن
اشرار آچدى باب جور و جفانى، گلدى
واضح دئسم دوتار اود آفاق غملریمدن
درد اهلىسن بیلرسن بو دیدهى تَریمدن
غمچى غمین اوخورسان بو نیلى پیکریمدن
وار زینبین قولوندا غمچى نشانى گلدى
اشرار کینهپرور فرصت تاپیب جفایه
ائتدى بهانه هر دم غمچى گدیب هوایه
نه اولدى یار و یاور اطهار بىنوایه
نه سسلینده داده صاحب لوانى، گلدى
زینب یورولمیوبدى خصمین عداوتیندن
نه زجر دون و شمرین ظلم و شقاوتیندن
جانه گلوب بو قومین زینب شماتتیندن
گؤزیاشى گؤزلریمدن سیلاب سانى گلدی
