چئویره‌ن: احمد رنجبرى حیدرباغى
ان گؤزل زیارت‌لردن کی امام زمانین عاشق‌لری کئچمیش‌دن اونونلا اؤز سئوگی و امام‌لاری ایله گؤزل و معنوی بیر ارتباط یارادارمیش‌لار «آل یاسین» زیارتی‌دیر.بو دعا حضرت حجتین اؤز طرفیندن صادر اولوب.
طبرسى «احتجاج» کتابینده روایت ائدیر: کی ناحیه مقدسه‌دن بئله بیر دستور صادر اولدو کی هر زامان ایسته‌یه‌‌سیز بیزیم واسیطه ایله، آللاها و بیزیم طرفه التفات ائده‌سیز، سیزده آللاه بویوران کیمى دئیین:
سلام اولا «آلیاسین»ـه، سلام اولا سنه اى خالقى آللاه یولونا دعوت ائدیب، اونون نیشانهلرین آیدین ائدهن، سلام اولا سنه اى آللاهین (رحمت) قاپىسى و اونون دینىنین قوروغچوسو؛ سلام اولا سنه اى آللاهین خلیفهسى و اونون دینىنین یاردیمچىسى؛ سلام اولا سنه اى آللاهین حجتى و اونون ایرادهلرینین گؤستریجىسى؛ سلام اولا سنه اى آللاهین کتابین اوخویوب، تفسیر ائدهن؛ سلام اولا سنه گئجه - گوندوزون بوتون چاغلاریندا؛ سلام اولا سنه اى آللاهین قالاریغى (بقیّهسى) یئر اوزونده؛ سلام اولا سنه اى آللاهین آلینمیش و تاکید اولونموش عهدى و ایلقاری؛ سلام اولا سنه اى آللاهین تضمین اولونموش وعدهسى؛ سلام اولا سنه اى آللاهین آچیلان «عدل» بایراغى و اونون هدیه اولونموش «علمى» و خالقین «پناهى» و آللاهین گئنیش «رحمتى» و یالانسیز وعدهسی.
سلام اولا سنه اول زاماندا کى دوروب و اوتورورسان؛ سلام اولا سنه اول زاماندا کى قرآن اوخویوب، تفسیر ائدیرسن؛ سلام اولا سنه اول زاماندا کى «ناماز» قیلیب و «قنوت» دوتورسان؛ سلام اولا سنه اول زاماندا کى «رکوع» و «سجده» ائدیرسن و اول زاماندا کى «تهلیل»ایله «تکبیر» ائدیرسن؛ سلام اولا سنه اول زاماندا کى «حمد» و «استغفار»ایله آللاهى یاد ائدهیرسن؛ سلام اولا سنه صبح ایله آخشام چاغى؛ سلام اولا سنه گئجه ایله گوندوزون، قارانلیق و ایشیقلیق چاغلاریندا؛ سلام اولا سنه اى قادالاردان قورونموش امام (بلالردن محفوظ اولان)؛ سلام اولا سنه اى عالم خالقىنین ایلکین آرزىسى؛ سلام اولا سنه بوتون سلاملارلا.
سنى شاهد دوتورام وئردیگیم (بو) شهادته: کى آللاهدان باشقا بیر آللاه یوخدور و او تک و تایسیزدیر و بونا کى محمد (صلی الله علیه و آله و سلم) اونون بندهسى و گوندهریلمیشىدیر؛ و اوندان و اهلبیتیندن باشقا بیر کیمسه سئویلمهگه لایق دئییل و شهادت وئریرم ـ اى منیم آقام ـ على (علیه السلام)، امیرالمؤمنین، آللهین حجّتى‌دیر و امام حسن (علیه السلام) آللهین حجّتى‌دیر وامام حسین (علیه السلام) آللهین حجّتى‌دیر و على بن الحسین، امام سجاد (علیه السلام) آللهین حجّتى‌دیر و محمّد بن على، امام باقر (علیه السلام) آللهین حجّتى‌دیر و جعفر بن محمّد، امام صادق (علیه السلام) آللهین حجّتى‌دیر و موسى بن جعفر، امام کاظم (علیه السلام) آللهین حجّتى‌دیر و على بن موسى، امام رضا (علیه السلام) آللهین حجّتى‌دیر و محمّد بن على، امام تقى (علیه السلام) آللهین حجّتى‌دیر وعلى بن محمّد، امام نقى (علیه السلام) آللهین حجّتى‌دیر و حسن بن على، امام حسن عسگرى (علیه السلام) آللهین حجّتى‌دیر و شهادت وئریرم کى سن (ای زمانین امامی)، آللهین حجّتى‌سن؛ اوّلده سیز سیز، آخرده سیز.
سیزین «رجعت»یز (دونیایا قاییتماغیز)، حق‌دیر و اوندا هئچ بیر شکّ یوخ؛ همن گون کی اگر انسان او گونه کیمى (آللاها و ...) ایمان گتیرمسه و یا ایمانیندا خیر کسب ائتمه‌مسه، ایمانیندان فایدالانماز. و شهادت وئریرم کى «اؤلوم» حق‌دیر و «نکیر» ایله «منکر» حق‌دیر و شهادت وئریرم کى «نشر» (اؤلولرین، قیامتده دیریلیب - یاییلماسى) حق‌دیر و «بعث» (اؤلولرین قبریدن چیخماقى) حق‌دیر و «صراط» کؤرپوسو حق‌دیر و قیامت گونو حق‌دیر و «میزان» (یاخشى و پیس ایشلرین چکیلمه‌سى) حق‌دیر و «بهشت» نعمتلریله «جهنّم» عذابلارى حق‌دیر.
اى منیم آقام، هر کیمسه سیزیله مخالفت ائتسه بدبختدیر و هر کیمسه سیزه اطاعت ائتسه سعادتلى‌دیر؛ ایندی‌سه اى منیم آقام! وئردیگیم شهادتلره، شهادت وئرگیلن. من سیزى دوست توتارام و دوشمنلریز ایله دوشمانام؛ حق اودور کى سیز اونو بیه‌نه‌سیز و باطل اودور کى سیز اونو پیس و مغضوب بیله‌سیز، «یاخشیلیق» اودور کى سیز اونا امر ائده‌سیز و «پیسلیک» اودور کى سیز اونو نهى ائیلیه‌سیز. من تک و تاى سیز آللاها، و اونون گؤندیریلمیشى و امیرالمؤمنینه و سیزه ـ اى منیم آقام ـ و اماملارین ایلکینه و سونونا ایمان گتیررم. منیم یاردیم و کمکیم، سیزه یاردیم ائتمگه آماده‌دیر و دوست دوتماقیم سیزه خالیص‌دیر و یالنیز سیزى دوست دوتارام. (آى آللاه دعالریم) اجابت ائت، اجابت ائت.
التماس دعا
