آشاغیدا گلن شعر هجران قاضی اوغلو، عراقدا کرکوک شهرینده یاشایان اهل بیت شاعرینین، اروج و اروجلوغ باره سینده قوشدوغو بیر شعری دیر.

رمضان آیی

چکتیغین بو سیجاغلیغ تاتدیغین بو صوسوزلوغ
یارین محشر گونونده صاقلار سنی عذابدان
سلسبیل بولاغیندان زنجبیلله قاریشمیش
بیر ایچه­جک ایچه­رسین, تاتلی­دیر هر شرابدان
ایشته بو اوروجلارین اجریدیر هله ازدیر
نصیبلری موتلولوق, اوستوندور هر ثوابدان
یوم گؤزون دیلینی توت قولاغ وئرمه بوش سؤزه
یارین حق, میدانیندا قورتار اؤزون عقابدان
اوروج ده­گیل کیم قومشو خیصیمدان یوز دؤنده­رسه
اوروج ده­گیل کیم اوزاق دورسا قارداش احبابدان
اوروج ده­گیل کیم غیبت ائتینه دادانمیشسا
یا سؤزونده شر وارسا یا قونوشسا خرابدان
اوروج ده­گیل کیم یالان اتماغا دادانمیشسا
یا اخلاقی یان اتیب یا اوزاغسا آدابدان
قاچ اوروج وار اجلیغدان, باشقا بیر شئی قازانماز
صوسوزلوغو اوستونه اوزاغ ده­گیل حسابدان
اوروجلوغ تقوى عفت, صلة رحم مکتبی
صبرلا چک زحمتی, درسلر آل حق کتابدان

هجران قاضی اوغلو/ کرکوک طوز شهری