قوشار: سید بشیر حسینی
دئیون زیب چمن کیمدور؟ حسندور
گل باغ عدن کیمدور؟ حسندور
بیزه عزت وئرن کیمدور؟ حسندور
على اوغلى حسن کیمدور؟ حسندور
قدم قویدى یئره دلبند حیدر
سووندى قلبیدن زهراى اطهر
آلوب آغوشینه جدّى پیمبر
آدین قویدى، دوداقین ئوپدى پى در
جمالى گون، جبینى ماه انور
ایشقلاندیردى دنیانى سراسر
او شمع انجمن کیمدور؟ حسندور
ادامه مطلب...

امام حسن علیه السلامین ولادت گونو هامی شیعه لره مبارک اولسون!

قوشار: ناظر شرفخانه ای

 صبح‌ دم پیک صبا لبلرى خندان گلدى‏

 سؤیله‏دى یاتما اویان نیمه شعبان گلدى‏

 دورما پیمانه‏نى آل ائله مسلسل هئى! هئى!

 دورو قات دوره کى دردانه دوران گلدى‏

 آچگیلان جانب گلزاره تماشا قاپیسین‏

 کى یاشیل گولشنه بیر قیرمیزى مرجان گلدى‏

 گولشن حوسنوده بیر سبز قبا نورسته‏

 قونچا تک آچدى آغیز، گول کیمى خندان گلدى‏

 نازیله قامتى بویلاندى چمنزار ایچره‏

 بویونا سرو چمان، یاسمن افشان گلدى‏

ادامه مطلب...

 ‏چئویره‌ن: احمد رنجبرى حیدرباغى‏

ان گؤزل زیارت‌لردن کی امام زمانین عاشق‌لری کئچمیش‌دن اونونلا اؤز سئوگی و امام‌لاری ایله گؤزل و معنوی بیر ارتباط یارادارمیش‌لار «آل یاسین» زیارتی‌دیر.بو دعا حضرت حجتین اؤز طرفیندن صادر اولوب.

طبرسى «احتجاج» کتابینده روایت ائدیر: کی ناحیه مقدسه‌دن بئله بیر دستور صادر اولدو کی هر زامان ایسته‌یه‌‌سیز بیزیم واسیطه ایله، آللاها و بیزیم طرفه التفات ائده‏سیز، سیزده آللاه بویوران کیمى دئیین:

سلام اولا «آل‏یاسین»ـه، سلام اولا سنه اى خالقى آللاه یولونا دعوت ائدیب، اونون نیشانه‏لرین آیدین ائده‏ن، سلام اولا سنه اى آللاهین (رحمت) قاپى‏سى و اونون دینى‏نین قوروغچوسو؛ سلام اولا سنه اى آللاهین خلیفه‏سى و اونون دینى‏نین یاردیمچى‏سى؛ سلام اولا سنه اى آللاهین حجتى و اونون ایراده‏لرینین گؤستریجى‏سى؛ سلام اولا سنه اى آللاهین کتابین اوخویوب، تفسیر ائده‏ن؛ سلام اولا سنه گئجه - گوندوزون بوتون چاغلاریندا؛ سلام اولا سنه اى آللاهین قالاریغى (بقیّه‏سى) یئر اوزونده؛ سلام اولا سنه اى آللاهین آلینمیش و تاکید اولونموش عهدى و ایلقاری؛ سلام اولا سنه اى آللاهین تضمین اولونموش وعده‏سى؛ سلام اولا سنه اى آللاهین آچیلان «عدل» بایراغى و اونون هدیه اولونموش «علمى» و خالقین «پناهى» و آللاهین گئنیش «رحمتى» و یالانسیز وعده‏سی.
ادامه مطلب...

یازار: احمد رنجبری حیدرباغی

شریعت یولونو محمد آچدی

طریقت گولونو شاه علی سئچدی

شو دنیادان نئچه یوز مین ار کئچدی

اونلار اتفاقدا: «مهدی یولدادیر».

شاه اسماعیل خطائی (دیوان، ص 462)
ادامه مطلب...

یازار: احمد رنجبری حیدرباغی
به نظر اکثر فضولی پژوهان «سو قصیده سی» از درخشانترین اشعار ملا محمد فضولی بغدادی (متوفی 963 هجری قمری) است که در مدح پیامبر گرامی اسلام صلی الله علیه و آله و سلم سروده شده است و از سوی محققان مورد شرح و توضیح واقع شده است. در زیر ترجمه فارسی این قصیده به تمام مسلمانان و محبان ترک زبان و فارس زبان و علاقه مند به مطالعات تطبیقی در حوزه ادبیات آیینی تقدیم می شود. تنها شرح فارسی آن توسط دکتر علی اصغر شعردوست است که در ضمن کتاب چشمه خورشید: پژوهشی در زندگی و آثار ملا محمد فضولی (چاپ اول: تهران، دبیرخانه کنگره بزرگداشت حکیم محمد فضولی، رقعی 1374) از ص 121 ـ 150 چاپ شده است. گفتنی است که در ترکیه چندین شرح بر این قصیده زیبای نبوی نگاشته است. ترجمه حاضر برگرفته از کتاب چشمه خورشید است.

ساچما اى گؤز اشکدن کؤنلومده ‏کى اودلاره، سو،
کیم بو دنلى توتوشان اودلاره، قیلماز چاره سو.
اى دیده! از اشک بر این آتش دلم آب نیفشان / که آب نمى‏تواند آتشى چنین شعله‏ور را خاموش کند.

آبگوندور گنبد دوّار رنگى، بیلمزم
یا محیط اولموش گؤزومدن، گنبد دوّاره سو؟
نمى‏دانم رنگ گنبد دوّار آبگون است / یا آب دیده‏ام بر گنبد دوّار محیط شده است؟
ادامه مطلب...

اولو اسلام رسولونون پیغمبرلیگه مبعوث اولان گونو

امام زمان آقا، بوتون مسلمانلار و آزاد یاشایان انسانلارا مبارک اولسون.

مکانین پاک اورکلردیر محمد یا رسول الله!

قوشار: علیرضا ناعمی «حبیب»

         من زینب نام‏آورم

نوحه شهامت حضرت زینب علیهاالسلام

------------------------------------------------
آه اى یزید فتنه‏گر من زینب نام‏ آورم
مظلوم حسینون یاورى بنت على‏الحیدرم

------------------------------------------------

                   ***

فکر ایلمه قول باغلیام ناچار اسیرم دشمنه
بیر قهرمان نامى‏ام، باخما حقارتلن منه
شاماته گلدیم گوندوزى، شام ایلیم ظالم سنه
یاخشى تانى من زینبم، دخت امیر خیبرم

فکر ائتمه قارداشیم ئولوب، قرآن شهیدى زنده‏دى
ظالم جهاندا محو اولار،مظلوم ئولن پاینده‏دى
قانه‏باتوب گرچه حسین، روح جهادى‏منده‏دى
آگاه اول اى شوم دنى، منده حسین دیگرم

قرآن یولوندا هر بلا، باشیمه گلسه راضى‏ام
عطشان‏حسین‏تک‏جان‏به‏کف،عشق‏وشرف‏جانبازى‏ام
کرببلا سلطانى‏نون شوریده‏سر سربازى‏ام
شاه شهیده رهروم، فوج اسیره رهبرم

خط مقدّمده بو گون، فتح مسلّم منده‏دى
اشرارى‏ نابود ایلین، کفرى ییخان‏ دم منده‏دى
قانه باتوب عبّاس اگر، میداندا پرچم منده‏دى
حق حسینى من گرک، یکسر جهانه گؤسترم

گؤررم بیر ایش حیران قالار، دنیا بویى دنیا منه
قصر جفاده عجزیلن، تعظیم ائدر اعدا منه
فخر ایلیر حیدر منه، احسن دئیر زهرا منه
زهرا آناملان حیدره، من بیر دلاور دلبرم

اى امپراطور ستم، بنیادوه نفرین سنون
شیطان‏صفت شیطان‏روش اجدادوه نفرین سنون
یابن معاویه پلید استادوه نفرین سنون
آل امیّه ظلمینى، من عالمه فاش ایلرم

حقدن نه گلسه سربه‏سر، لطف و عنایتدور بیزه
شور و شهادت دهریده، شأن و شرافتدور بیزه
بیز مصطفى اولادیوک، صبر استطاعتدور بیزه
آل رسول اللهه من، هم یاورم هم مفخرم

من فاطمه دلبندى‏ام، جور زماندان قورخمارام
هند اوغلونا باش‏اگمرم،شمر و سناندان قورخمارام
راه شرفده راهى‏ام ابلیسیاندان قورخمارام
دم ویررام حقدن تا ابد، بو عشقیله سوداگرم

زینب بو شام‏ شومه گر،اود ویرماسا زینب دگول
گویدن بلا بو شهره گر،یاغدیرماسا زینب دگول
گردنکشانین گردنین، سیندیرماسا زینب دگول
کفریله سازش ائتمرم، کفّاره فرصت وئرمرم

بو شهر شومه گلمیشم، حق اوسته ثابت قالماقا
داد عدالت ویرماقا، مظلومین حقین آلماقا
سیمرغ‏ تک پر چالماقا، تختدن یزیدى سالماقا
پاتختوى فتح ایلرم، چون حیدره من مظهرم